Sutta a pignara du paisi anticu
s'assettanu a matina a fatta jornu
spaccanu a quattru puru nu ficu
a parranu pe tutti senza scornu.

Cu l'atti da marina e in concorrenza
passianu nta strata da benzina
pari ca sunnu tutti jestimati
e da matina a sira in penitenza.

Tra nu paninu e l'attu
na birra e a sapunina
tagghia paru paru
chi sembra na sartina.

Jujandu ogni minutu
ca panza chi nci crisci
artu e grossu quantu nu mbutu
oj ncappau chidu chi vindi i pisci.

Minandu fortificati nte capidi
guardandu o specchiu u vidi a reazioni
e straparrandu pe chisti e pe chidi
é nattu parraturi da stazioni;

ad'idu spessu ora si riunisci
n'omu chi non avi nenti i fari
mo nto paisi finiu u si rincrisci
nci piazzi assai di chhiù u guarda u mari.

S'affaccia da finestra u guarda u mari
e supra all'ondi vidi barchi e u suli
vidi i piscaturi ca piscata
finiu l'epuca da carta bullata.

Si passi da marina
e non si criticatu
o compari Gianni é mortu
o mastru Ntoni é malatu.

Si passi da vineda
e non si murmuriata
o cummari Rosa é a posta
o Teresuzza é mbiacata.

Quandu s'ncuntranu sutta a pignara
e tempi d'oj ch'é libira a palora
é bellu u si vidinu inziemi tutti quanti
e megghiu du giornali radiofanti.

Santo Strati 2001