U
sidic d'aprili du ddumila
a genti jiu all'urna pemmi vota
ndavia a tanti chi facianu a fila
si presentaru chiù i l'atta vota.
A
prima lisata guidata i Nicolinu
ch'avia amministratu lu paisi
potia scummettiri milli nu carrinu
ca vincinu i lezioni a panni stisi.
Poi
a secunda guidata i Mimmu e tria
cu l'omini schierati a tuttu campu
si vincinu i lezioni, chi voi ca sia!
Si perdunu però non hannu scampu.
A
terza lista guidata i Giacominu
rappresentava a genti di frazioni
non s'accorgiru ca idu chianu chianu
scombussulava tutti i previsioni.
Finiu
pemmu si vota e s'apriu l'urna
a scheda si lejia a una a una
chiumpiru u spogliu ch'era notti funda
e supra o cielu nci splendia a luna.
I
risultati furu na sorpresa
e furu na sorpresa i consiglieri
tuttu u lavuru fattu on'eppi presa
e travolgiu paisani e forestieri.
Ncorcunu
chi gridava o campanaru
allarmi allarmi la macchina sona
arrivano li turchi da marina
puru u cumuni ora si pigghiaru
ndi ficiaru a frittata senza ova.
Cu
prima on penza
appressu suspira
faciatvuilla sta penitenza
natti quattru e u tempu arriva.
Intantu
do cumuni si cumanda
e si decidi a sorti du paisi
si voi mu mangi movi la gamba
lavura duri e paga li spisi.
Si
rivotaru i petri di hjiumari
e i morti d'intra e tumbi si lurgiru
e lu citrolu avi u culu amaru
e amaru esti u vinu chi mbivimu.
Partiti
russi o ianchi
i destra o i sinistra
mentiti i mani e hjanchi
tracciativi na pista.
Na
grandi confusioni si criau
a genti capisciu ch'eranu boni
ncorcunu tutti i voti si pigghiau
dassandu li strumenti senza soni.
Volistivu
u cangiati e vi teniti
volistivu u provati l'emozioni
da cosa nova pe forma i ribellioni;
quandu
si cangia u vecchiu po novu
sacciu chi dassu
ma non sacciu chi trovu.
Partiti,
ritornati supra e passi
è veru ca u mundu cangiau
ma ripigghiati a fari a lotta i clan.
Santo
Strati 2001
|