Però quandu passau cca Carlo quintu,
riportandu da Tunisi vittoria,
stu Carafa 'on mustrau tutta sa boria;
ma fu ùmili anzi, e assai cunvintu

du grand'onori; e si sentìu spintu
ô stemma soi mi duna st'atta gloria.
Chistu registra fina a tandu a Storia;
e non criju ca fu mi fattu fintu.

Fintu o sinceru, cca l'Imperatori
potti osservari e sapìri ogni cosa,
e fu trattatu da veru signori;

e onoratu, pecchì da na gloriosa
impresa ritornava, e tutti i côri
mustraru affettu ed allegria festosa.

Potti vidiri u pajisi ordinatu
I'Imperatori; e genti religiosa.
Fu paternu,e fu puru avvicinatu
da tanta genti onesta e bisognosa.

Dî chjesi e dì cummenti ogni apparatu
mustrava Castelveteri orgogliosa,
cà nu cristianu ndavìa liberatu
sta terra nostra ì na belva furiosa:

Khair Ad - Din, chjamatu Aradieno
Barbarossa, pe tutti chisti terri
nte cristiani trovau nu giustu freno.

Mustraru i Turchi u primu cedimentu
nta na serii lunghìssima di guerri
chi a Lepanto trovau poi compimentu.

Si rendìu cuntu Carlu quandu vinni
ca a terra nostra era fortificata,
di quattru porti a mura circondata,
e tanti assalti musulmani tinni.

Allura ragiunau, studiau, convinni
ch'era giustu u si teni bona armata,
si c'era na minera già scavata
da cchjù i vint'anni a Campoli; e mantinni

na funderìa di forru. Spadi e lanci
nda potia fan certu a non finiri.
Perciò vozzi u manteni sempri agganci

cu Castelveteri; na relazioni
si fici fari prima di partiri
di tutti i posti e i fortificazioni.